There's Naethin Like The Honest Nappy! There's naethin like the honest nappy!
Whaur'll ye e'er see men sae happy,
Or women, sonsie, saft an' sappy,
'Tween morn an' morn
As them wha like to taste the drappie
In glass or horn?

I've seen me daezt upon a time;
I scarce could wink or see a styme;
Just ae hauf muchkin does me prime,
Ought less is little,
Then back I rattle on the rhyme,
As gleg's a whittle.

There's Naethin Like The Honest Nappy! by Robert Burns